Arquivo da categoría: Pergamiño Vindel

Visita á exposición do Pergamiño Vindel

O alumnado de 3º de ESO e de 1º de Bacharelato foi visitar a exposición o Pergamiño Vindel ao Museo do Mar en Vigo, nunha saída organizada polo departamento de Lingua Galega e o EDLG.

Unha vez alí o monitor da actividade guiada contextualizou o Vindel dentro do marco histórico. Deixou de lado os aspectos artísticos e literarios e incidiu na importancia de que sexa un texto profano nun mundo dominado pola relixión. Sobre todo fixo fincapé nas diferenzas entre os avances tecnolóxicos e científicos que había en Al-Ándalus naquela altura e os dos reinos cristiáns, para o que se centrou no mundo da medicina. Para demostralo puxo en marcha unha especie de obradoiro no que rapazas e rapaces participaron facendo as veces de enfermos.